Generelt

Kjøpet er regulert av standard salsvilkår for forbrukarkjøp av varer over Internett. Hovudlovene som gjeld er avtalelova, forbrukarkjøpslova, marknadsføringslova, angrerettslova og ehandelslova, og desse lovene gir forbrukaren ufråvikelege rettar. Desse lovene er tilgjengelege på www.lovdata.no. Vilkåra i denne avtalen skal ikkje bli forstått som noko avgrensing i dei lovbestemte rettane, men stiller opp partane sine viktigaste rettar og plikter for handelen. Salsvilkåra er utarbeidd og tilrådd av Forbrukartilsynet. For ei betre forståing av desse salsvilkåra, sjå Forbrukartilsynet si rettleiing her.
Du kan laste ned angrettsskjema her.

1. Avtalen

Avtalen består av desse salsvilkåra, opplysningar gjevne i bestillingsløysinga og eventuelt særskilt avtalte vilkår. Ved eventuell motstrid mellom opplysningane, går det som særskilt er avtalt mellom partane føre, såframt det ikkje strir mot ufråvikeleg lovgiving.

2. Partene

Seljar er:
Ferdigstrikka AS
Org.nr. 932 681 994
Bispegra 6
4632 Kristiansand

Kjøparen er den forbrukaren som gjer bestillinga, og blir i det følgjande omtala som kjøpar/kjøparen.

3. Opplysningar i nettbutikken vår

Vi prøver å gi kundane våre så korrekt informasjon om produkta våre som mogleg. Vi tar likevel atterhald om at skrive-/trykkfeil kan førekome, noko som kan medføre at vi ikkje kan levere i samsvar med informasjon gitt i nettbutikken vår, marknadsføringa vår eller på annan måte.

4. Pris

Totalkostnaden for kjøpet vil kome fram før du fullfører ordren. Alle prisar er inkludert meirverdiavgift og inkluderer alle utgifter knytte til kjøpet.

5. Betalingsmetodar

Vi nyttar oss av Vipps betalingstenester.

6. Avtaleinngåing

Avtalen blir bindande for begge partar når kjøparen har sendt bestillinga si til seljaren.

7. Betalinga

Seljaren kan krevje betaling for vara frå det tidspunktet ho blir sendt frå seljaren til kjøparen. Seljaren kan reservere kjøpesummen på kortet ved bestilling. Kortet blir belasta same dagen som vara blir sendt.

8. Levering

Levering er skjedd når kjøparen, eller representanten hans, har tatt imot bestillinga. Vi sender som pakke i postkassa med sporing. Levering av produkta frå lageret vårt skjer normalt 1-4 virkedagar etter at vi har mottatt bestillinga. Vi har risikoen for produkta inntil dei er overtatt av kjøparen, det vil seie når kjøparen har fått produkta i sin besittelse. Om leveringa av produkta blir forseinka eller ikkje kan bli leverte, vil vi gi kjøparen informasjon så snart vi har kunnskap om det, saman med informasjon om og eventuelt når levering kan skje, eller om produktet(a) er utselde. Avhengig av produkta sin art og forsinkinga si lengde, kan kjøparen etter omstenda halde kjøpesummen tilbake, krevje levering, krevje erstatning eller heve kjøpet.

9. Angrerett

Med mindre avtalen er unntatt frå angrerett, kan kjøparen angre kjøpet av vara i samsvar med angrerettslova. Kjøparen må gi seljaren melding om bruk av angreretten innan 14 dagar frå fristen begynner å løpe. I fristen inngår alle kalenderdagar. Dersom fristen endar på ein laurdag, heilagdag eller høgtidsdag, blir fristen forlenga til nærmaste verkedag. Angrefristen er halden dersom meldinga er sendt før fristen er ute. Kjøparen har bevisbyrda for at angreretten er gjort gjeldande, og meldinga skal derfor skje skriftleg (angrerettsskjema eller e-post).
Angrefristen begynner å løpe: Ved kjøp av enkeltståande varer vil angrefristen løpe frå dagen etter at vara(ne) er mottatt. Seljast eit abonnement, eller inneber avtalen regelmessig levering av identiske varer, løper fristen frå dagen etter første sending er mottatt. Består kjøpet av fleire leveransar, vil angrefristen løpe frå dagen etter siste leveranse er mottatt. Ved bruk av angreretten må vara leverast tilbake til seljaren utan unødig opphald og seinast 14 dagar frå melding om bruk av angreretten er gitt. Kjøpar dekkjer dei direkte kostnadane ved å returnere vara, med mindre anna er avtalt. Seljaren kan ikkje fastsetje gebyr for kjøparen sin bruk av angreretten. Kjøparen kan prøve eller teste varen på ein forsvarleg måte for å fastslå varas art, eigenskapar og funksjon, utan at angreretten fell bort. Dersom prøving eller test av vara går utover kva som er forsvarleg og nødvendig, kan kjøparen bli ansvarleg for eventuell redusert verdi på vara. Seljaren er forplikta til å tilbakebetale kjøpesummen til kjøparen utan unødig opphald, og seinast 14 dagar frå seljaren fekk melding om kjøparen sitt vedtak om å nytte angreretten. Seljar har rett til å halde tilbake betalinga til han har motteke varene frå kjøparen, eller til kjøparen har lagt fram dokumentasjon for at varene er sende tilbake.

Forsinking og manglande levering – kjøparane sine rettar og frist for å melde krav: Dersom seljaren ikkje leverer vara, eller leverer vara for seint i samsvar med avtalen mellom partane, og dette ikkje skuldast kjøparen eller tilhøve på kjøparen si side, kan kjøparen i samsvar med reglane i forbrukarkjøpslova kapittel 5 etter omstenda halde kjøpesummen tilbake, krevje oppfylling, heve avtalen og/eller krevje erstatning frå seljaren.

Ved krav om misleghaldsbeføyelsar skal meldinga av omsyn til bevis vere skriftleg (til dømes e-post).

10. Oppfylling

Kjøparen kan fasthalde kjøpet og krevje oppfylling frå seljaren. Kjøparen kan likevel ikkje krevje oppfylling dersom det ligg føre ei hindring som seljaren ikkje kan overvinne, eller dersom oppfylling vil medføre ei så stor ulempe eller kostnad for seljaren at det står i vesentleg misforhold til kjøparen si interesse i at seljaren oppfyller. Skulle vanskar falle bort innan rimeleg tid, kan kjøparen likevel krevje oppfylling. Kjøparen taper retten sin til å krevje oppfylling om han eller ho ventar urimeleg lenge med å fremje kravet.

11. Heving

Dersom seljaren ikkje leverer vara på leveringstidspunktet, skal kjøparen oppmode seljaren til å levere innan ein rimeleg tilleggsfrist for oppfylling. Dersom seljaren ikkje leverer vara innan tilleggsfristen, kan kjøparen heve kjøpet. Kjøparen kan likevel heve kjøpet straks dersom seljaren nektar å levere vara. Tilsvarande gjeld dersom levering til avtalt tid var avgjerande for inngåinga av avtalen, eller dersom kjøparen har underretta seljaren om at leveringstidspunktet er avgjerande. Blir tingen levert etter tilleggsfristen forbrukaren har sett eller etter leveringstidspunktet som var avgjerande for inngåinga av avtalen, må krav om heving gjerast gjeldande innan rimeleg tid etter at kjøparen fekk vite om leveringa.

12. Mangel ved vara – kjøparen sine rettar og reklamasjonsfrist

Om det ligg føre ein mangel ved vara må kjøparen innan rimeleg tid etter at han eller ho oppdaga eller burde ha oppdaga mangelen, gi seljaren melding om at han eller ho vil påberope seg mangelen. Kjøparen har alltid reklamert tidsnok dersom det skjer innan 2 mnd frå mangelen vart oppdaga eller burde blitt oppdaga. Reklamasjon kan skje seinast to år etter at kjøparen overtok vara. Dersom vara eller delar av vara er meint å vare vesentleg lenger enn to år, er reklamasjonsfristen fem år. Dersom vara har ein mangel og dette ikkje skuldast kjøparen eller tilhøve på kjøparen si side, kan kjøparen i samsvar med reglane i forbrukarkjøpslova kapittel 6 etter omstenda halde kjøpesummen tilbake, velje mellom retting og omlevering, krevje prisavslag, krevje avtalen heva og/eller krevje erstatning frå seljaren.

Reklamasjon til seljaren skal skje skriftleg.

13. Retting eller omlevering

Kjøparen kan velje mellom å krevje mangelen retta eller levering av tilsvarande ting. Seljaren kan likevel motsetje seg kjøparen sitt krav dersom gjennomføringa av kravet er umogleg eller fører til urimelege kostnader for seljaren. Retting eller omlevering skal skje innan rimeleg tid. Seljaren har i utgangspunktet ikkje rett til å gjere meir enn to avhjelpsforsøk for same mangel.

14. Prisavslag

Kjøparen kan krevje eit passande prisavslag dersom vara ikkje blir retta eller omlevert. Dette inneber at forholdet mellom nedsett og avtalt pris svarer til forholdet mellom tingens verdi i mangelfull og kontraktsmessig stand. Dersom særlege grunnar taler for det, kan prisavslaget i staden settast lik mangelen si betydning for kjøparen.

Endring av vilkåra

Ferdigstrikka AS forbeheld seg retten til å endre desse vilkåra, utan å varsle våre kundar og samarbeidspartnarar på førehand.

Personvern

Les om personvern her.

Vilkår