Trysfjorden-genser (oppskrift)

Trysfjorden-genser er ein klassisk og elegant raglangenser med fletter, strikka ovanfrå og ned i dobbel tråd Dale Kidsilk Erle. Genseren blir litt vidare ved bruk enn måla i oppskrifta tilseier, sidan flettene opnar seg. Oppskrifta finst i ni størrelsar, og genseren på bilda er i størrelse XS.

Det gjennomgåande flettemønsteret gir genseren eit eksklusivt og tidlaust uttrykk, medan den mjuke blandinga av mohair, silke og ull skaper eit lett og varmt plagg med eit vakkert fall. Den høge halsen gjer genseren ekstra lun på kjølege dagar. Genseren passar like godt til jeans som til skjørt eller kjole og kan brukast gjennom store delar av året. Oppskrifta passar for strikkarar med litt erfaring i flettestrikk og raglan.

Oppskrifta er tilgjengeleg på norsk, engelsk, tysk, dansk og svensk.

Størrelsar

XXS (XS) S (M) L (XL) 2XL (3XL) 4XL

Mål på plagget liggande flatt

Plagget blir litt vidare i bruk enn måla tilseier, sidan flettene opnar seg

Overvidde: 78 (82) 86 (90) 93 (97) 101 (104) 108 cm

Heil lengde: 61 (62) 63 (64) 66 (67) 68 (70) 71 cm

Ermelengde: ca 41 (45) 45 (45) 45    (45) 45 (49) 49 cm

Halsomkrets: 44 (48) 48 (48) 52 (52) 52 (56) 56 cm

Strikkefastheit

21,5 masker med flettemønster på pinne nr. 4 ½  = 10 cm

20 omgangar i høgde = 10 cm

PS! Genseren verkar ikkje så stram som strikkefastheita tilseier, sidan flettemønsteret gjer at arbeidet vider seg ut i breidda ved bruk.

Pinnar

Strømpepinne nr. 3 ½ og 4 ½  og rundpinnar 40 og 80 cm

Garn og garnmengde

Dale Kidsilk Erle, 56 % mohair, 26 % silke og 18 % ull. Løpelengde pr. nøste 50 gram = 325 meter

Farge 2621 Beige 6 (6) 6 (6) 6 (7) 7 (7) 7 nøste

Strikk med 2 trådar saman.

OVANFRÅ OG NED

Her begynner du med halsen, strikkar raglan og deler arbeidet i erme og bol når raglanen er ferdig. Så strikkar du bolen ferdig først, deretter erma.