Christiansandsgenser i Viking Alpaca Storm (oppskrift)

Christiansandsgenseren er ein raglangenser i Viking Alpaca Storm, inspirert av historia til Kristiansand og byen sitt opphav. Genseren blir strikka nedanfrå og opp med tradisjonell nordisk mønsterstrikk, og hovudmotivet er ei tolking av C4-monogrammet til kong Christian IV. Årstalet 1641 er òg ein del av mønsteret som ein liten historisk detalj. Oppskrifta finst i ni størrelsar frå XS til 5XL. Genseren på bilda er i størrelse M. Genseren finst også i barneversjon (2–12 år).

Christiansandsgenseren kombinerer lokal historie med eit tidlaust uttrykk og er eit naturleg val for deg som ønskjer ein klassisk mønstergenser med ei historie. Viking Alpaca Storm gir ein mjuk, varm og slitesterk genser som eignar seg godt til både kvardagsbruk, turar og kjølege dagar gjennom store delar av året. Raglankonstruksjonen gir god passform, medan mønsterborda med C4-monogrammet og årstalet 1641 skaper eit særprega uttrykk. Oppskrifta passar for strikkarar som har erfaring med fleirfarga mønsterstrikk og raglanfelling.

Oppskrifta er tilgjengeleg på norsk.

Størrelsar

XS (S) M (L) XL (2XL) 3XL (4XL) 5XL

Mål på plagget

Overvidde: 86 (91) 97 (103) 109 (114) 120 (126) 132 cm

Heil lengde: 60 (62) 65 (67) 69 (70) 71 (73) 74 cm

Ermelengde: 43 (44) 46 (47) 48 (48) 49 (49) 50 cm

Halsomkrets: 44 (44) 47 (47) 49 (49) 51 (51) 53 cm

Strikkefastheit

21 m x 27 pinnar glattstrikk på pinne 4 mm = 10 x 10 cm

Pinnar  

Strømpepinnar og rundpinne (40 cm) nr. 3,5 og rundpinne nr. 4 (40 og 80 cm)

Pinnestørrelsen er berre rettleiande.
Får du for mange masker på 10 cm, bytt til ein større pinne. Får du for få masker på 10 cm, bytt til ein mindre pinne.

Garn og garnmengde

Viking Alpaca Storm, 40 % superfine alpakka, 40 % merinoull og 20 % nylonfiber, løpelengde pr. nøste 50 g = 133 m

Farge 502 Natur, 400 (400) 400 (450) 450 (500) 500 (550) 550 g

Farge 526 Marineblå, 100 g